İnnovativ düşüncə: inkişafa doğru addımlar

21 aprel 2025-ci il tarixində “İnnovativ Progress və Ekologiya” Sosial-
İqtisadi İnkişafa Dəstək İctimai Birliyinin təşəbbüsü və təşkilatçılığı ilə
“İnnovativ düşüncə: İnkişafa doğru addımlar” adlı konfrans
keçirilib.Tədbir Azərbaycan himni və şəhidlərin ruhuna 1 dəqiqəlik
sükutla başlayıb. “İnnovativ Progress və Ekologiya”Sosial-İqtisadi İnkişafa
Dəstək İctimai Birliyinin sədri Səidə Musayeva “Məişət zorakılığına məruz
qalan qadınların və uşaqların inkişafa doğru yolu” mövzusuna aid
müzakirəni açıq elan etdi. Konfransda Azərbaycanın və Qazaxıstanın
tanınmış ekspertləri, mütəxəssisləri, QHT-lərin sədrləri və qadın
sahibkarlar iştirak ediblər.
Konfransda Qazaxıstanın QHT sədrləri Aliyə Saginbayeva və Saule
Musina, Azərbaycanın QHT sədrləri Zülfiyyə Nuriyeva, Mehriban
Abdullayeva, Rüxsarə Axundova, Firuzə Cəlilova, Zeynəb Hacıyeva,
Tünzalə Əzimova, HR üzrə təlimçi Leyla Əsədullayeva,Tədris mərkəzi
rəhbəri Cəmalə Naxçıvani, “Landau”məktəbinin müəllimi Xəyalə
Şabanova, EYP üzvü məktəbli Leyla Naxçıvani və
qadın sahibkarlar iştirak edib.
Konfransa qazaxıstanlı mütəxəssislər, Qazaxıstan Respublikasında həyata
keçirdikləri “Ana Üyi – Analar Evi” layihəsi sosial yetimliyinin qarşısının
alınmasına yönəlmiş tədbiri də diqqətə çatdırdılar.
Bu layihə çərçivəsində “Analar Evi”nə adətən hamilə və ya yeni doğulmuş
körpəsi olan gənc qadınlar yerləşdirilir.
Layihənin əsas məqsədi yalnız bu analara böhran dövründə dəstək göstərmək və
uşağın valideynləri sağ olduğu halda yetim qalmasının qarşısını almaq deyil,
eyni zamanda onların cəmiyyətə uğurlu adaptasiyası üçün əlverişli şərait yaratmaqdır.

Konsultativ hallar əsasında gənc anaların həyat hekayələri təhlil olunub, ümumi
qanunauyğunluqlar müəyyən edilib və statistik məlumatlar təqdim olunub.
Konfransda mütəxəssislər zorakılıqla bağlı uzunmüddətli müşahidələrini

öz aspektlərindən çıxış etdilər.Onlar öz təcrübələrində müşahidə etdikləri
zorakalıqla bağlı hekayələrlə yanaşı,uğurlu qadın hekayələrindən də bəhs
etdilər.Hansı halların zorakılıq hansı halların isə konfilik olduğu haqqında
və bu cür problemlərin həll yolları,bu cür hadisə ilə üzləşən qadınlara necə
kömək olunması haqqında müzakirələr aparıldı.Konfransda çıxış edən
məktəbli bu cür zorakılıq hallarının uşaq və yeniyetmələrə psixoloji
cəhətdən necə mənfi təsir etdiyi haaqında danışdı.
Konfransda innovativ düşüncə ilə sosial-iqtisadi inkişafın yolları, qadınların
cəmiyyətdəki rolu və qadınlara qarşı zorakılıq kimi vacib mövzular ətrafında
geniş müzakirələr aparıldı. Tədbir həm praktiki, həm də nəzəri baxımdan

zəngin çıxışlarla yadda qaldı. Mütəxəssislər cəmiyyəti dayanıqlı inkişafa aparan
yollar, gənclərin innovasiyaya cəlb olunması, eləcə də gender əsaslı zorakılığın
qarşısının alınması istiqamətində mühüm fikirlər səsləndiriblər.
Tədbirin sonunda iştirakçılara sertifikatlar təqdim olunub və gələcək layihələr
üçün əməkdaşlıq imkanları müzakirə edildi. Konfrans iştirakçıları arasında həm
akademik, həm də ictimai fəal şəxslərin olması tədbirin interaktivliyini və
müzakirələrin dərinliyini daha da artırıb.
Konfrans gənc qadın rəssamların gözoxşayan rəsmlərindən təşkil olunmuş rəsm
sərgisi təqdimatı ilə başa çatdı.