26-27 may İslamofobiyaya həsr olunmuş beynəlxalq elmi konfrans

 

İslamofobiyaya həsr olunmuş beynəlxalq elmi konfransda 100-dən çox xarici qonaq iştirak etmişdi.

Mayın 26–27-də keçirilmiş “İslamofobiya: Qərəzin ifşa olunması və stiqmaların dağıdılması” adlı beynəlxalq elmi konfrans Bakı Beynəlxalq Multikulturalizm Mərkəzi, Beynəlxalq Münasibətlərin Təhlili Mərkəzi və Bakı Təşəbbüs Qrupunun birgə təşkilatçılığı ilə baş tutmuşdu. Tədbir Beynəlxalq İslamofobiya ilə Mübarizə Gününün üçüncü ildönümünə həsr olunmuşdu.

 

 

Konfransın keçirilməsində əsas məqsəd beynəlxalq və milli səviyyədə müsəlmanları və əhalisi müsəlman olan ölkələri hədəf alan həyəcanverici tendensiyaların müzakirəsi üçün akademik platforma yaratmaq olmuşdu.

Tədbirə 40-a yaxın ölkədən alimlər, beynəlxalq təşkilatların ekspertləri, din xadimləri və qeyri-hökumət təşkilatlarının nümayəndələri , “İnnovativ Proqress və Ekologiya” Sosial-İqtisadi İnkişafa Dəstək İctimai Birliyinin sədri Səidə Musayeva və sədr müavini Cəmalə Naxçıvani də yer almışdı. Onların tədbirdə iştirakı Azərbaycan QHT sektorunun beynəlxalq səviyyədə multikultural dəyərlərin təşviqinə verdiyi töhfənin bariz nümunəsi olmuşdu.

Ümumilikdə 100-dən çox xarici iştirakçının yer aldığı konfransda “İslamofobiyada qlobal trendlər”, “Siyasətdə müsəlmanlara qarşı nifrət”, “Regional perspektivlərdə islamofobiya” və “Media və rəqəmsal platformalarda islamofobiya” kimi mühüm mövzular müzakirə olunmuş, mövcud problemlərin həlli istiqamətində fikir mübadiləsi aparılmışdı.